AswonvosNowodhow degemeryans an Gernowyon yndann an Kuntelles Framweyth rag Difresyans a Vinorytys Kenedhlek a sywyas yn sodhva MAGA pur vysi dhe benn a vis Ebrel, gans govynadow ha skwattys gwiasva owth ynkressya yn mynsek.
An derivas, res gans Menyster an Dresorva Danny Alexander, a veu dynerghys yn tomm. “Yth yw gans marth ha delit meur y klewsyn ni hedhyw a wra an Governans aswonnvos yn leun an Gernowyon avel minoryta kenedhlek yndann an Kuntelles Framweyth rag Difresyans a Vinorytys Kenedhlek”, yn-medh Ledyer a Gonsel Kernow John Pollard. “Gre minoryta kenedhlek ny wra wostalleth dri arghasans po gallosow pella dhe’n Konsel na dhe Gernow”, yn-medh John Pollard. “Yma edhom dhyn oberi gans keskowetha dhe wul hemma kler dhe dus yn Kernow. “Byttegyns, yma heb dout prowyow a vri rag Kernow ow bos synsys a-ji dhe’n Kuntelles Framweyth hag y dal y solempnya hag y talav trubyt dhe bub an re na neb re oberas heb skwithter dres lies bledhen dhe gowlwul an gre ma. An towlow meur an Kuntelles, hag a veu fasthes nans yw 15 bledhen, yw dhe surhe bos an gwiryow a vinorytys kenedhlek gordhys dre vatalya discernyans, avonsya parder ha gwitha ha displegya gonisogeth ha honanieth minorytys kenedhlek. Tri assay kyns dhe synsi an Gernowyon y’n Kuntelles Framweyth o heb sewen; an diwettha assay a veu gwrys in 2011. An derivas a dheuth avel sowdhan hag y tal bos an goblegyansow lemmyn dadhlys yn leun. Y fydh keskusulyans a-dro dhe’n Kuntelles dres an misyow usi ow tos hag yma mynnes dhe’n Keskowethyans gul kevro posek dhe bub an dadhlow ma a-barth an yeth. |
Keworrewgh tamm a Gernewek dh’agas dydh…
Lavarow Kernewek testennel rag gorra y’gas keskows pub dydh… Gonis war-linen rag govyn treylya
|
|
An Kuntelles a syns ynno niver a worhemmynow a-dro
dhe us an yeth hag a wra kollenwel ha krevhe an gorhemmynow an
Chartour Europek rag Yethow Ranndirek po Le Usys may feu synsys
Kernewek yn 2003.