Governans EuropekAn governans europek re elwis governansow dhe wul moy dhe witha yethow ranndirek ha Kernewek y’ga mysk. Ynwedh ev re elwis war an Dessedhek Europek dhe brofya musuryow polici krev rag difresyans yethow yn peryl. Kaskyrher rag yethow Sye Graham Watson MEP, neb yw kannas Kernow yn Senedh Europek a skodhyas an derivas hag y leveris: “ Posek yw difres agan gonisogeth ha diversita ranndirek. Ha difres yethow hengovek kepar ha Kernewek yw mar bosek ages difres agan boos, diwas ha doronieth ranndirek. “Ha my yethor dre drenyans, y konvedhav roweth yethow. Yeth a wra shapya prederow, ha diversita yethek a brov formow dyffrans a skians. Taklow kepar ha gravyans po skryptor a ylli bos sawys pan wra gonisogeth merwel. Ny yll yeth gul yndelma. Yeth a vew ha merwel gans an dus a wra hy hewsel. Res yw dhyn gul kemmys y hyllyn dhe witha agan yethow. ES an (lib-Dem) rag Kernow Gledh ha kaskyrher rag an taves Kernewek Dan Rogerson, a wrug leverel: “Lowen ov an Governans Europek dhe votya rag aswon roweth difres ertach gonisogethek kepar ha’n taves Kernewek. My a grys bos an taves Kernewk gwiw dhe skodhya hag y herdhya rag y honan – mes ynwedh ev a dhre gobrow dhe’n ranndir dre dornyaseth wonisogethek ha drehevel gre Kernow.” An derivas a wrug ESE votya yw kavadow war-linen orth http://www.europarl.europa.eu/sides/getDoc.do?type=REPORT&reference=A7-2013-0239&language=EN |
Keworrewgh tamm a Gernewek dh’agas dydh…
Lavarow Kernewek testennel rag gorra y’gas keskows pub dydh… Gonis war-linen rag govyn treylya
|
|