Gonis Treylyans

Leverewgh e yn Kernewek!

A garsewgh hwi devnydhya nebes Kernewek y’gas negys, y’gas oberva, y’gas bewderyow sygerneth – yn hwir yn pub le? Kernow yw arbennek, hag us a’gan yeth agan honan a re poslev dhe’n dhiblanseth na. Yma meur a dus ow tevnydhya Kernewek tre hag yn negys dhe dhiskwedhes aga gooth y’n le may trigons hag oberi – prag na wrewgh hwi omjunya gansa? Nyns yw kales hag yma gweres yn ogas.

Gov. My a garsa prederi a-dro dhe dhevydhya Kernewek – Ple hwrav vy dalleth?

Gor. Prederewgh a’n fordh may karsewgh hwi devnydhya Kernewek, ervirewgh an pyth a vynnowgh hwi kavos treylys ha kestevewgh orth MAGA rag kusul ha gweres.

Gov. A nyns eus furvow dyffrans a Gernewek y’n tor’ ma?

Gor. Re beu, hag yma hwath, nebes fordhow dyffrans dhe lytherenna Kernewek. Nyns yw onan a’n re ma kamm hag yth yw ragowgh hwi dhe ervira an huni a vynnowgh devnydhya. Pub furv, byttegyns, yw keskonvedhadow y’n keth maner ha del yw rannyethow a-ji dhe Sowsnek.

Y’n vledhen 2008, akordyans a veu kowlwrys a-dro dhe Furv Skrifys Savonek a Gernewek rag us yn adhyskans hag yn bewnans poblek. Hemm yw patron a lytherennans Kernewek a wren ni devnydhya marnas hwi a wovyn orthyn patron aral. Mar karsewgh hwi neb unn lytherennans aral, ena lowen on ni dhe gowlwul an treylyans yndella.

Gov. Pyth lemmyn?

Gor. Mar mynnowgh hwi devnydhya Kernewek hag yma edhom dhywgh a gavos treylyans, MAGA a yll ri gweres y’n fordhow a syw:

Mara’gas beus treylyans byhan a yn-dann 40 ger, gwrewgh y dhanvon dhe MAGA yn unn dhevnydhya an Gonis war-linen rag govyn treylya hag y fydh argerdhys heb kost. Hwi a yll desevos degemeres agas treylyans kowlwrys a-ji dhe seythen wosa y dhanvon dhyn.

Mar po oberen vrassa kestevewgh orth MAGA, mar pleg, po dre bellgowser 01872 323497 po der e-bost orth [email protected] rag keskewsel a-dro dhe’n pyth a vynnowgh hwi kavos. Ena y hyllyn ni henwel treylyer dhe gowlwul agas oberen. Ow kregi war gomplethter ha braster an treylyans, yth yw possybyl y fo termyn hirra ages seythen dh’y argerdhes.

Gov. Eus kost dhodho?

Gor. Treylyansow berr yn-dann 40 ger yw proviys avel gonis heb kost.

Rag oberen vrassa y fydh martesen kost, an pyth a yll bos bargenys gans an treylyer. Kepar ha pub treylyans, hemm a wra kregi war hirder ha komplethter an treylyans ha ni a wra keskewsel a-dro dhodho genowgh pan vo genen an gorholedh.

Gov. Pes termyn dh’y wul?

Gor. Herwydh usadow treylyansow yw argerdhes a-ji unn seythen ha checkys yns i gans nessa treylyer kyns aga bos danvenys dhe’n kliens. Yth yw possybyl bos termyn hirra es hemma rag treylyansow moy kompleth, mes ni a wra agas avisya a hemma orth an treveth.

Kedhlow Pella

Rag kedhlow pella po keskows, kestevewgh mar pleg orth MAGA der an folen Kestavow po mars eus genowgh treylyans berr a le es 40 ger y hyllowgh devnydhya an Gonis war-linen rag govyn treylya.

Keworrewgh tamm a Gernewek dh’agas dydh…

Lavarow Kernewek testennel rag gorra y’gas keskows pub dydh…

Gonis war-linen rag govyn treylya